-
Subscribe
now to receive all the new
music
fiffdimension creates,
including
14 back-catalog releases,
delivered instantly to you via the Bandcamp app for iOS and Android.
You’ll also get access to
subscriber-only
exclusives like this track.
Learn more.
lyrics
I MET FOUR CHIELS . I MET four chiels the ither night , I trow they were a daiz'd like sight , The Deil himsel had gotten a fright , Had he but been wi ' me , O.
I speer'd at them where they had been , Or what misconduct they had deen , Gif aught unyirthly they had seen , I bade them tell me free , O.
Ane o ' them was a souter gude , As e'er put rozet on a thread , I trow he was a jovial blade , But sair forefought was he , 0
Quo ' he , mysel ' and cronies three , Hae been this fortnight on the spree , An ' fint a plack now left hae we , And sair's our drouth to dree , O.
We ca'd at yonder cot down by , ' Tis said they keep it on the sly , But though our tongues were tinder dry , The deil a drap they'd gie , 0
O’d , when I heard their waefu ' tale , I drew frae out my black coat tail A flagon I had for mysel ' , O'Hieland usquebaugh , O.
We set us down upon the bank , Syne drew the cork , and blithely drank , Till down before ' s the souter sank , To try't upon his knee , O.
Faith , when I saw ' im before us lie , I thought we'd better hameward try , For fear some body might come bye We wouldna ' wish to see , O.
We raised him noo upon his pins , And pat a prop before his shins , Syne bade him t ' repent his sins , That pardoned he might be , 0 .
Hoo they gat hame I canna tell . I scarce ken hoo I wan mysel ' ; But noo I'm here an ' soun ' an ' hale , An ' fairly coured the spree , 0 .
credits
credits
from
Poems & Lyrics by John Collie (1856),
track released March 28, 2023
from Poems & Lyrics (in the Scotch dialect) (1856), releases May 10, 2023
John Collie (1834-1893) - lyrics
Dave Edwards - banjo, bass, vocal
license
all rights reserved